- EXCUSATI
- EXCUSATIapud Recentiores, potissimum dicebantur Servi aut Liberti dimissi, qui, cum pro qualiber culpa ad Ecclesiam veniae impetrandae causâ confugisient, dominis reddebantur de omni poenarum genere securi, et ad servitium consuerum redibant, datis prius a Dominis ad Evanglia sacramentis, de concessa venia, et quod nullam iis poenam pro ea culpa, a qua excusati, h.e. absoluti essent, irrogarent. Quod sacramentum si domini violassent, ranquam periuri mulctabantur, uti passim legitur in Concil. Aurelianensi 1. can. 1. et 3. III. can. 13. IV. can. 24. V. can. 22. apud Gregor. Turon. Hist. l. 5. c. 3. 4. et 49 etc. In Monasteriis, Excusati videntur iidici, qui ad Aedes sacras vel Monasteria confugiebant, et maioris securitatis gratiâ illis se quodammodo in servos dabant, apud Car. du Fresne Glossar. qui de hac voce plura.
Hofmann J. Lexicon universale. 1698.